തേഞ്ഞിപ്പലം: മേലേചേളാരി മാതാപുഴ റോഡില്‍  തേഞ്ഞിപ്പലം സര്‍വീസ് സഹകരണ ബാങ്കിന് കീഴില്‍  പ്രവര്‍ത്തിക്കുന്ന നീതി മെഡിക്കല്‍ സ്റ്റോറില്‍ മോഷണം. കഴിഞ്ഞ ദിവസം രാത്രിയാണ് ഷട്ടറിന്റെ പൂട്ടുതകര്‍ത്ത് മോഷണം നടന്നത്. 15000 രൂപ നഷ്ടപ്പെട്ടിട്ടുണ്ട്.  വിരലടയാള വിദഗ്ധര്‍ സ്ഥലത്തെത്തി തെളിവെടുപ്പ് നടത്തി. തേഞ്ഞിപ്പലം എസ്.ഐ അഭിലാഷിന്റെ നേതൃത്വത്തിലുള്ള പൊലിസ് സംഘവും സ്ഥലത്തെത്തിയിരുന്നു. കേസെടുത്ത് അന്വേഷണം ആരംഭിച്ചതായി പൊലിസ് പറഞ്ഞു.