കയ്‌റോ: ഈജിപ്തില്‍ അഞ്ചു പൊലിസുകാരെ ഐ.എസ് തീവ്രവാദികള്‍ കൊലപ്പെടുത്തി. വടക്കന്‍ സിനായിയിലെ അല്‍ അരിശ് നഗരത്തിലാണ് പൊലിസിനു നേരെ ആക്രമണമുണ്ടായത്. വാഹനം കുറുകെ നിര്‍ത്തി റോഡ് തടസ്സപ്പെടുത്തിയ ശേഷം പൊലിസിനു നേരെ വെടിയുതിര്‍ക്കുകയായിരുന്നു. ആക്രമണം നടത്തിയ ശേഷം തീവ്രവാദികള്‍ രക്ഷപ്പെട്ടു. ഇവര്‍ക്കുവേണ്ടിയുള്ള തെരച്ചില്‍ തുടരുന്നുണ്ട്. കഴിഞ്ഞ ദിവസം പൊലിസിനെ ലക്ഷ്യംവച്ച് കാര്‍ബോംബ് സ്‌ഫോടനവും നടന്നിരുന്നു.