തൃക്കുന്നപ്പുഴ: ഇരുന്നൂറോളം വീടുകളില്‍ നടന്ന മജ്‌ലിസുന്നൂറിന്റെ കുടുംബസംഗമവും വാര്‍ഷികവും ഇന്ന് വൈകിട്ട് പാനൂര്‍ പള്ളിമുക്കില്‍ ശൈഖുനാ ചെറുശേരി ഉസ്താദ് നഗറില്‍ നടക്കും.
എസ്.വൈ.എസ്., എസ്.കെ.എസ്.എസ്.എഫ്. പാനൂര്‍ മേഖലാ കമ്മിറ്റിയുടെ ആഭിമുഖ്യത്തില്‍ നടക്കുന്ന പരിപാടി ബഷീര്‍ മേത്തറുടെ അധ്യക്ഷതയില്‍ സയ്യിദ് ഹദിയത്തുല്ല തങ്ങള്‍ അല്‍-ഐദറൂസി ഉദ്ഘാടനം ചെയ്യും. ഹസന്‍ സഖാഫി പൂക്കോട്ടൂര്‍ മുഖ്യപ്രഭാഷണം നടത്തും. അസയ്യിദ് ഫഖ്‌റുദ്ദീന്‍ തങ്ങള്‍ അല്‍ ഹസനി മലപ്പുറം മജ്‌ലിസുന്നൂറിന് നേതൃത്വം നല്‍കും. സയ്യിദ് അബ്ദുല്ല തങ്ങള്‍ അല്‍ ഐദറൂസി ഉദ്‌ബോധന പ്രഭാഷണവും നടത്തുമെന്ന് സ്വാഗതസംഘം ചെയര്‍മാന്‍ നവാസ് എച്ച്. പാനൂരും ജനറല്‍ കണ്‍വീനര്‍ എ.എ. റഷീദ് അസ്‌ലമിയും അറിയിച്ചു.