തൊടുപുഴ:  തൊടുപുഴ ഫാര്‍മേഴ്‌സ് ക്ലബിന്റെ നേതൃത്വത്തില്‍ ഫെയ്‌സ്ബുക്കില്‍ ആരംഭിച്ച സൗജന്യ ഇ-മാര്‍ക്കറ്റ് നബാര്‍ഡ് ഇടുക്കി ഡി.ഡി.എം അശോക്കുമാര്‍ നായര്‍ ഉദ്ഘാടനം ചെയ്തു.
വാട്‌സ് ആപ് ഗ്രൂപ്പില്‍ ആരംഭിച്ച ഇ-മാര്‍ക്കറ്റ് ലീഡ് ബാങ്ക് മാനേജര്‍ കുഞ്ഞിക്കണ്ണനും ഉദ്ഘാടനം ചെയ്തു.
കര്‍ഷകരുടെ മൊബൈല്‍ഫോണുകളിലേക്ക് സൗജന്യമായി കാര്‍ഷികവിവരങ്ങളും വിജ്ഞാനങ്ങളും എത്തിക്കുന്ന സൗജന്യ കൃഷി എസ്.എം.എസ് സര്‍വീസിന്റെ ഉദ്ഘാടനം നഗരസഭാ വൈസ് ചെയര്‍മാന്‍ ടി.കെ സുധാകരന്‍ നായര്‍ നിര്‍വഹിച്ചു. ഫാര്‍മേഴ്‌സ് ക്ലബ് പ്രസിഡന്റ് ടോം ചെറിയാന്‍ അധ്യക്ഷനായി.
സെക്രട്ടറി രാജീവ് പാടത്തില്‍, ട്രഷറര്‍ ഷൈജോ ചെറുനിലം, വൈസ് പ്രസിഡന്റ് സോണി കിഴക്കേക്കര എന്നിവര്‍ സംസാരിച്ചു.
തരിശുപാടത്ത് ജൈവമാതൃകയില്‍ നെല്‍കൃഷി ചെയ്ത് പരിസ്ഥിതി അവാര്‍ഡ് നേടിയ ടി ജെ പീറ്റര്‍, ചെറുകിട വ്യവസായ അസോസിയേഷന്‍ ജില്ലാ പ്രസിഡന്റ് ജയകൃഷ്ണന്‍, പ്രൈവറ്റ് ബാങ്കേഴ്‌സിന്റെ സംസ്ഥാനത്തെ മികച്ച താലൂക്ക് പ്രസിഡന്റായി തെരഞ്ഞെടുക്കപ്പെട്ട ഹെജി പി. ചെറിയാന്‍ എന്നിവരെ ചടങ്ങില്‍ ആദരിച്ചു.