പയ്യന്നൂര്‍: വ്യാപാരി വ്യവസായി ഏകോപനസമിതി യൂത്ത് വിങ് ജില്ലാ കമ്മിറ്റിയുടെ നേതൃത്വത്തിലുള്ള നേതൃത്വ പരിശീലന ക്യാംപ് സമാപിച്ചു. സമാപന സമ്മേളനം നഗരസഭാ ചെയര്‍മാന്‍ ശശി വട്ടക്കൊവ്വല്‍ ഉദ്ഘാടനം ചെയ്തു. ക്യാംപിന്റെ ഭാഗമായി ശനിയാഴ്ച നഗരത്തില്‍ യുവജന റാലി നടത്തി. ഏകോപന സമിതി ജില്ലാ പ്രസിഡന്റ് ദേവസ്യ മേച്ചേരി ഫ്‌ളാഗ് ഓഫ് ചെയ്തു. ടൗണ്‍ ചുറ്റി റാലി ഗാന്ധിപാര്‍ക്കില്‍ സമാപിച്ചു. യുവജന സംഗമം വ്യാപാരി വ്യവസായി ഏകോപനസമിതി സംസ്ഥാന പ്രസിഡന്റ് ടി നസിറുദ്ദീന്‍ ഉദ്ഘാടനം ചെയ്തു. ചേംബര്‍ പ്രസിഡന്റ് കെ.യു വിജയകുമാര്‍ അധ്യക്ഷനായി. കെ അഹമ്മദ് ഷരീഫ്, കെ.വി അബ്ദുല്‍ ഹമീദ്, കെ സേതുമാധവന്‍, ജോജിന്‍ ടി. ജോയി എന്നിവര്‍ മുഖ്യാതിഥികളായി. പുനത്തില്‍ ബാഷിദ്, ജോസ് ഇടപ്പറമ്പില്‍, എം.പി തിലകന്‍, കെ.എസ് റിയാസ്, വി.പി സുമിത്രന്‍ സംസാരിച്ചു. കാനായിയില്‍ നടന്ന ക്യാംപ് പി.എ.എം ഇബ്രാഹിം ഉദ്ഘാടനം ചെയ്തു.