കണ്ണാടിപ്പറമ്പ്: ദാറുല്‍ ഹസനാത്ത് ഇസ്‌ലാമിക് കോളജ് പൂര്‍വ വിദ്യാര്‍ഥി ഹസ്‌നവി മുഹമ്മദലി ഹുദവി ഉപരി പഠനാര്‍ഥം ലണ്ടനിലെ ലീഡ്‌സ് ബെക്കറ്റ് സര്‍വകലാശാലയിലേക്കു യാത്ര തിരിച്ചു. ദാറുല്‍ ഹസനാത്തില്‍ നിന്ന് ഇസ്‌ലാമിക് സ്റ്റഡീസില്‍ ഡിഗ്രി പൂര്‍ത്തിയാക്കിയ അദ്ദേഹം ചെമ്മാട് ദാറുല്‍ ഹുദാ ഇസ്‌ലാമിക് സര്‍വകലാശാലയില്‍ നിന്ന് ദഅവ ആന്‍ഡ് കംപാരിറ്റിവ് സ്റ്റഡീസില്‍ ബിരുദാനന്തര ബിരുദവും കരസ്ഥമാക്കിയിരുന്നു. കാലിക്കറ്റ് സര്‍വകലാശാലയില്‍ നിന്ന് ഇംഗ്ലീഷ് സാഹിത്യത്തില്‍ ബിരുദവും കാമരാജ് സര്‍വകലാശാലയില്‍ നിന്നു ബിരുദാനന്തര ബിരുദവും ഇഗ്‌നോയില്‍ നിന്നു എംഎസ്.ഡബ്ല്യു, കണ്ണൂര്‍ സര്‍വകലാശാലയില്‍ നിന്ന് ബി.എഡ്, പി.ജി.ഡി.സി.പി എന്നിവയും പൂര്‍ത്തീകരിച്ചു. കണ്ണാടിപ്പറമ്പ് ദാറുല്‍ ഹസനാത്ത്, റോയല്‍ ഇംഗ്ലീഷ് സ്‌കൂള്‍, സീതിസാഹിബ് ഹൈസ്‌കൂള്‍ തുടങ്ങിയ സ്ഥാപനങ്ങളില്‍ സേവനം ചെയ്ത മുഹമ്മദലി ഹുദവി നാറാത്തെ ആലി മൊയ്തീന്‍ ഹാജിയുടെയും ജമീല ഹജ്ജുമ്മയുടെയും മകനുമാണ്.