കൊല്ലം: തേവലക്കര കൂഴംകുളം സ്ട്രാറ്റ്‌ഫോര്‍ഡ് പബ്ലിക്ക് സ്‌കൂള്‍ ആന്റ് ജൂനിയര്‍ കോളജില്‍  'സ്‌നേഹപൂര്‍വ്വം സുപ്രഭാതം' പദ്ധതിക്കു തുടക്കമായി.
വിദ്യാര്‍ഥി പ്രതിനിധികള്‍ക്കു പത്രത്തിന്റെ കോപ്പി നല്‍കി സ്‌പോണ്‍സര്‍ ഇബ്രാഹിം മുഹമ്മദ് ഹാജി ഉദ്ഘാടനം നിര്‍വ്വഹിച്ചു. ഇതിനോടനുബന്ധിച്ചു ചേര്‍ന്ന  യോഗത്തില്‍ സ്‌കൂള്‍ മാനേജര്‍ അബ്ബാസ് കളിയിലില്‍ അധ്യക്ഷനായി. സുപ്രഭാതം കൊല്ലം ബ്യൂറോ ചീഫ് രാജു ശ്രീധര്‍ പദ്ധതി വിശദീകരിച്ചു. സ്‌പോണ്‍സര്‍ ഇബ്രാഹിം മുഹമ്മദ് ഹാജി,സര്‍ക്കുലേഷന്‍ ഇന്‍- ചാര്‍ജ്ജ് നിസാമുദ്ദീന്‍കോയ തങ്ങള്‍ എന്നിവര്‍ സംസാരിച്ചു. പ്രിന്‍സിപ്പല്‍ റസീന കടയങ്കല്‍ സ്വാഗതവും പി.ആര്‍.ഒ വിജി വിനായക നന്ദിയും പറഞ്ഞു.