കോഴിക്കോട്: തപാല്‍ ജീവനക്കാരുടെ സംഘടനയായ എന്‍.എഫ്.പി.ഇ നേതാവും പുരോഗമന കലാസാഹിത്യ സാംസ്‌കാരിക രംഗത്തെ മികച്ച സംഘാടകനുമായിരുന്ന എ. മജീദിന്റെ അഞ്ചാം ചരമദിനത്തില്‍ നഗരം അദ്ദേഹത്തെ അനുസ്മരിച്ചു.
വൈകിട്ട് ടൗണ്‍ ഹാളില്‍ നടന്ന ചടങ്ങ് ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ഉദ്ഘാടനം ചെയ്തു. തന്റെ പ്രവര്‍ത്തനം സമൂഹത്തിനു ഗുണകരമാകണമെന്നു ചിന്തിച്ച് നിസ്വാര്‍ഥ പ്രവര്‍ത്തനം കാഴ്ചവച്ച വ്യക്തിയായിരുന്നു എ. മജീദെന്ന് അദ്ദേഹം അനുസ്മരിച്ചു.
കെ.ജെ തോമസ് അധ്യക്ഷനായ ചടങ്ങില്‍ ഇബ്‌റാഹിം വേങ്ങര, കെ. ദാമോദരന്‍ എ. മജീദിന്റെ പത്‌നി ഹസീന, മകന്‍ അനില്‍ സംബന്ധിച്ചു. ആര്‍. ജൈനേന്ദ്രകുമാര്‍ സ്വാഗതവും ജി. ജമുന നന്ദിയും പറഞ്ഞു.
രാവിലെ നടന്ന കുടുംബ സംഗമം സി.ഐ.ടി.യു നേതാവ് പി.കെ പ്രേംനാഥ് ഉദ്ഘാടനം ചെയ്തു. പി.കെ മുരളീധരന്‍, വി.എസ് സുരേന്ദ്രന്‍, എ.വി വിശ്വനാഥന്‍ സംബന്ധിച്ചു.