തൊടുപുഴ:  സി.എസ്.ഡി.എസ് (ചേരമന്‍ സാംബവ ഡെവലപ്‌മെന്റ് സൊസൈറ്റി)  ജില്ലാ കമ്മിറ്റി ഇന്ന് ജില്ലാ ഹര്‍ത്താലിന് ആഹ്വാനം ചെയ്തു. രാവിലെ ആറുമുതല്‍ വൈകിട്ട് ആറുവരെയാണ് ഹര്‍ത്താല്‍. കാഞ്ചിയാറില്‍ മതാചാരങ്ങളോടെ സംസ്‌കാരം നടത്തിയ സി.എസ്.ഡി.എസ് അംഗത്തിന്റെ  മൃതദേഹം പരാതിയെ തുടര്‍ന്ന് പുറത്തെടുക്കുകയും പിന്നീട് പൊതുശ്മശാനത്തില്‍ സംസ്‌കരിക്കുകയും ചെയ്ത സംഭവത്തില്‍ പ്രതിഷേധിച്ചാണ് ഹര്‍ത്താല്‍. സംഘടനയുടെ ശക്തികേന്ദ്രങ്ങായ ഹൈറേഞ്ച് മേഖലകളിലെ കട്ടപ്പന, കാഞ്ചിയാര്‍, എലപ്പാറ, പീരുമേട്, മുണ്ടണ്ടക്കയം, നെടുങ്കണ്ടണ്ടം, അടിമാലി എന്നിവിടങ്ങളിലാണ് പ്രതിഷേധം കൂടുതല്‍ ശക്തമാകാന്‍ സാധ്യത. ഹര്‍ത്താലിനെ തുടര്‍ന്ന് സംസ്ഥാനത്ത് ഇന്ന് നടത്താനിരുന്ന ഹയര്‍ സെക്കന്‍ഡറി ഒന്നാം വര്‍ഷ ഇംപ്രൂവ്‌മെന്റ് പരീക്ഷ മാറ്റിവച്ചു. ഈ മാസം അഞ്ചിലേയ്ക്കാണ് പരീക്ഷമാറ്റിയത്.