ന്യൂഡല്‍ഹി: വിവാദമായ അഗസ്റ്റ വെസ്റ്റ്‌ലാന്‍ഡ് അഴിമതിക്കെതിരെ അരവിന്ദ് കെജരിവാളിന്റെ നേതൃത്വത്തില്‍ ജന്തര്‍ മന്ദറില്‍ പ്രതിഷേധം. കോണ്‍ഗ്രസിനും ബി.ജെ.പി ക്കുമെതിരെ ശക്തമായ ആരോപണങ്ങളുന്നയിച്ചുകൊണ്ടാണ് പ്രതിഷേധം. അഗസ്റ്റ വെസ്റ്റ്‌ലന്‍ഡ് അഴിമതിയില്‍ അന്വേഷണം നടത്താന്‍ തയ്യാറാവാത്തത് സോണിയയും ബി.ജെ.പിയും ഒത്തുകളിക്കുന്നതിനാലാണെന്നും കെജരിവാള്‍ ആരോപിച്ചു. 2014 ലെ ഇലക്ഷന്റെ സമയത്ത് അഴിമതിക്കാരെ മുഴുവന്‍ ശിക്ഷിക്കുമെന്ന് മോദി പറഞ്ഞിരുന്നു.എന്നാല്‍ രണ്ട് വര്‍ഷം കഴിഞ്ഞിട്ടും ആരും തന്നെ ജയിലിലായില്ല. അന്വേഷണം ഒരിഞ്ച് മുന്നോട്ട് പോയിട്ടില്ലെന്നും കെജരിവാള്‍ പറഞ്ഞു.