പള്ളിക്കല്‍: വിഖായ ദിനാചരണത്തിന്റെ ഭാഗമായി റോഡരികിലെ പൊന്തക്കാടുകള്‍ വെട്ടിമാറ്റി നടപ്പാതയൊരുക്കി വിഖായ വളണ്ടിയര്‍മാരുടെ സന്നദ്ധദാനം.
കാക്കഞ്ചേരി മുതല്‍ കോഴിപ്പുറം വരെയുള്ള ഒരുകിലോമീറ്ററിലേറെ ദൂരമാണ് കാല്‍നട യാത്രക്കാര്‍ക്ക് ഏറെ പ്രയോജനമാകും വിധം പാത വെട്ടിത്തെളിയിച്ചത്. പ്രദേശത്തെ രണ്ടു സ്‌കൂളിലേക്ക് വരുന്ന നൂറുക്കണക്കിന് വിദ്യാര്‍ഥികള്‍ക്കും ഇത് ഏറെ ആശ്വാസകരമാണ്.

പള്ളിക്കല്‍ ക്ലസ്റ്ററിന്റെ ആഭിമുഖ്യത്തില്‍ വിഖായ വളണ്ടിയര്‍മാരുള്‍പ്പെടെ എസ്.കെ.എസ്.എസ്.എഫ്, എസ്.വൈ.എസ് പ്രവര്‍ത്തകരായ മുപ്പതോളം പേരാണ് സന്നദ്ധദാനം നടത്തിയത്. ഇ ഷബീര്‍, വി അയ്യൂബ്, മുഹമ്മദ്കുട്ടി, കെ ഇര്‍ഫാദ്, കെ ഷഫീഖ് നേതൃത്വം നല്‍കി.