തിരൂരങ്ങാടി: പത്രവിതരണത്തിനിടെ ബാലന്മാര്‍ക്കു നേരെ തെരുവുനായ ആക്രമണം. നന്നമ്പ്ര ചെറുമുക്ക് വെസ്റ്റ് പ്രദേശത്ത് പത്രവിതരണം നടത്തുകയായിരുന്ന വടക്കുംപറമ്പില്‍ ഹുസൈന്റെ മകന്‍ നബീല്‍, വടക്കുംപറമ്പില്‍ കരീമിന്റെ മകന്‍ സഫ്‌വാന്‍ എന്നിവരെയാണ് നായ അക്രമിച്ചത്.
നബീലിന്റെ വസ്ത്രം കടിയേറ്റ് കീറിയിട്ടുണ്ട്. പ്രദേശവാസി രക്ഷയ്‌ക്കെത്തിയതിനാല്‍ നായ ഓടിമറഞ്ഞു. ചെറുമുക്ക് പ്രദേശത്ത് തെരുവുനായ ശല്യം രൂക്ഷമായിട്ടുണ്ട്. കഴിഞ്ഞയാഴ്ചയാണ് ചെറുമുക്ക് വെസ്റ്റില്‍ മത്സ്യവില്‍പനക്കാരന്‍ മനരിക്കല്‍ അബ്ദുല്‍ അസീസിന് നായയുടെ കടിയേറ്റിരുന്നത്.