മലപ്പുറം: സര്‍ക്കാരിന്റെ 100 ദിനത്തോടനുബന്ധിച്ച് ഇന്‍ഫര്‍മേഷന്‍ - പബ്ലിക് റിലേഷന്‍സ് കോഴിക്കോട് മേഖലാ ഓഫീസ് തയ്യാറാക്കിയ വികസന ചിത്രങ്ങളുടെ പ്രദര്‍ശനം ഉള്‍പ്പെടുത്തിയ വാഹനം ജില്ലയില്‍ പര്യടനം തുടങ്ങി. സര്‍ക്കാര്‍ കഴിഞ്ഞ നൂറ് ദിവസത്തിനുള്ളില്‍ നടപ്പിലാക്കിയ വികസന ക്ഷേമ പ്രവര്‍ത്തനങ്ങളുടെ ചിത്രങ്ങളാണ് വാഹനത്തില്‍ ഉള്‍പ്പെടുത്തിയിരിക്കുന്നത്.  മൂന്ന് ദിവസത്തെ പര്യടനമാണ് ജില്ലയിലെ വിവിധ കേന്ദ്രങ്ങളില്‍ ഒരുക്കിയിരിക്കുന്നത്.  ജില്ലയിലേക്കുള്ള സ്വീകരണം ചേലേമ്പ്ര ഇടിമുഴിക്കലില്‍  ഗ്രാമ പഞ്ചായത്ത് പ്രസിഡന്റ് സി. രാജേഷിന്റെ നേതൃത്വത്തില്‍ നടന്നു.  വാഹനത്തിന്റെ ഫ്‌ളാഗ് ഓഫും പ്രസിഡന്റ് നിര്‍വഹിച്ചു.
വൈസ് പ്രസിഡന്റ് കെ. ജമീല മുഹമ്മദ്, സ്റ്റാന്റിങ് കമ്മിറ്റി ചെയര്‍മാന്മാരായ അബ്ദുല്‍ അസീസ്. പി, ഉദയകുമാരി. കെ.എം, സെക്രട്ടറി അബ്ദുല്‍ അസീസ് .എം, അംഗങ്ങളായ സുബ്രമണ്യന്‍, ശ്രീജിത്ത് . സി, കമ്മുകുട്ടി എന്നിവര്‍ പങ്കെടുത്തു.  വാഹനം കൊണ്ടോട്ടി, മഞ്ചേരി, മലപ്പുറം എന്നിവിടങ്ങളിലും പ്രദര്‍ശനം ഒരുക്കി. ഇന്ന് (ഒക്‌ടോബര്‍ നാല്) പെരിന്തല്‍മണ്ണ, പട്ടിക്കാട്, പാണ്ടിക്കാട് എന്നിവിടങ്ങളില്‍ വാഹനം പര്യടനം നടത്തും.