മലപ്പുറം:  സര്‍ക്കാര്‍ സ്വാശ്രയഫീസും അഡ്മിഷനും സംബന്ധിച്ച വിഷയത്തില്‍ മാനേജ്‌മെന്റുകളുമായി നടത്തുന്ന ഒളിച്ചുകളി അവസാനിപ്പിക്കണമെന്നാവശ്യപ്പെട്ട് യു.ഡി.എഫ്  നിയോജകമണ്ഡലം കേന്ദ്രങ്ങളില്‍ നാളെ വൈകിട്ട് പ്രകടനം നടത്തും.
വിഷയത്തില്‍ യു.ഡി.എഫ്  ജില്ലാ കമ്മിറ്റിയുടെ ആഭിമുഖ്യത്തില്‍ വ്യാഴാഴ്ച കലക്ടറേറ്റിനു മുന്നില്‍ ധര്‍ണയും നടത്തും. നിയോജകമണ്ഡലം കേന്ദ്രങ്ങളിലെ പ്രകടനവും കലക്ടറേറ്റ് ധര്‍ണയും വിജയിപ്പിക്കുന്നതിനു പഞ്ചായത്ത്, മുനിസിപ്പല്‍, നിയോജക മണ്ഡലം കമ്മിറ്റികള്‍ശ്രദ്ധിക്കണമെന്ന് ഇ. മുഹമ്മദ്കുഞ്ഞിയും അഡ്വ. കെഎന്‍.എ ഖാദറും അഭ്യര്‍ഥിച്ചു.