പേരാമ്പ്ര: കായണ്ണ ടൗണിനു സമീപത്തുള്ള രണ്ട് വീടുകളില്‍ തിങ്കളാഴ്ച്ച പുലര്‍ച്ചെ മോഷണ ശ്രമം. പി. സി. പ്രത്യുഷ്, വരിക്കോളി സന്തോഷ് എന്നിവരുടെ വീട്ടിലാണ് മോഷണത്തിന് ശ്രമമുണ്ടായത്.
ഇരു വീടുകളില്‍ നിന്നും കാര്യമായൊന്നും നഷ്ട്ടപ്പെട്ടിറ്റില്ല. പ്രത്യുഷും കുടുംബവും ആശുപത്രിയിലായിരുന്നു. ഓഫിസ് റൂമിന്റെ പൂട്ട് തകര്‍ത്ത മോഷ്ടാവ് അലമാരകളില്‍ നിന്നായി കുറച്ച് തുക കവര്‍ന്നിട്ടുണ്ട്. സന്തോഷിന്റെ വീട്ടുകാര്‍ ബന്ധുവീട്ടിലും പോയതായിരുന്നു. ഇവിടുത്തെ മുന്‍വാതിലിന്റെ പൂട്ട് തകര്‍ത്തു. പേരാമ്പ്ര എസ്.ഐ ഗോപാലകൃഷ്ണന്‍, വടകരയില്‍ നിന്നുള്ള വിരലടയാള വിദ്ധഗ്ധന്‍ ജിജീഷ് പ്രസാദ് എന്നിവരുടെ നേതൃത്വത്തിലുള്ള സംഘം പരിശോധന നടത്തി.
രണ്ടാഴ്ച്ച മുമ്പ് കായണ്ണയുടെ സമീപ പ്രദേശമായ നരയംകുളത്തെ മൂന്ന് വീടുകളില്‍ സമാന രീതിയില്‍ മോഷണം നടന്നിരുന്നു. ഒരു വീട്ടില്‍ നിന്ന് 4 പവന്‍ സ്വര്‍ണ്ണം മോഷ്ട്ടിച്ചിരുന്നു.