വടകര: തോടന്നൂരില്‍ ഇന്നലെ വൈകീട്ടുണ്ടായ സംഘര്‍ഷത്തില്‍  വിദ്യാര്‍ഥികള്‍ഉള്‍പ്പെടെ അഞ്ചു പേര്‍ക്ക് പരുക്ക്.ഒന്നാം വര്‍ഷ ബിരുദ വിദ്യാര്‍ത്ഥികളായ എം.എസ്.എഫ് പ്രവര്‍ത്തകര്‍ തിരുവള്ളൂരിലെ സെയ്ദ്(20),അജീര്‍(20),റാഷിദ്(19),വളയം സ്വദേശി ആഷിര്‍(20),ഡി.വൈ.എഫ്.ഐ പ്രവര്‍ത്തകന്‍ തോടന്നൂരിലെ നിജേഷ്(26)എന്നിവര്‍ക്കാണ് പരുക്ക്. എസ്.എഫ്.ഐ പ്രവര്‍ത്തകനും മര്‍ദ്ദനമേറ്റതായി വിവരമുണ്ട്.
 ഇന്നലെ കോളജില്‍ പരീക്ഷ എഴുതി തിരിച്ചു വരുകയായിരുന്നു വിദ്യാര്‍ത്ഥികള്‍ എം.എസ്.എഫുകാരെ സ്വകാര്യ ആശുപത്രിയിലും നിജേഷിനെ ഗവ.ആശുപത്രിയിലും പ്രവേശിപ്പിച്ചു.ഇവിടെ രണ്ട് ബൈക്ക് യാത്രക്കാര്‍ക്കും അക്രമം തടയാനെത്തിയ മറ്റൊരാള്‍ക്കും മര്‍ദ്ദനമേറ്റതായി പരാതി ഉണ്ട്. പൊലിസാണ് ഇവരെ രക്ഷപ്പെടുത്തിയത്.
   പരീക്ഷ എഴുതാന്‍ പോകുകയായിരുന്ന വിദ്യാര്‍ത്ഥികളെ ഭീഷണിപ്പെടുത്തിയതായി എം.എസ്.എഫ് നേതാക്കള്‍ ആരോപിച്ചു.ചെരണ്ടത്തൂര്‍ എം.ഇ.എസ് കോളജിലുണ്ടായ പ്രശ്‌നങ്ങളാണ് തോടന്നൂരിലെ സംഘര്‍ഷത്തിനും കാരണം.