പേരാമ്പ്ര: വയോജന ദിനാചരണത്തിന്റെ ഭാഗമായി കൂനിയോട് അങ്കണവാടിയുടെ ആഭിമുഖ്യത്തില്‍  വയോജനങ്ങളെ പൊന്നാടയണിയിച്ച് ആദരിച്ചു. പ്രദേശത്തെ എഴുപത്തിയഞ്ചു വയസിനു മുകളില്‍ പ്രായമുള്ള  ഇരുപത്തഞ്ചോളം മുതിര്‍ന്നവരെ ആദരിച്ചു. പേരാമ്പ്ര ബ്ലോക്ക് പഞ്ചായത്തംഗം സൗഫി താഴക്കണ്ടി ഉദ്ഘാടനം  ചെയ്തു. കൊന്നോടി നാരായണന്‍ നായര്‍ അധ്യക്ഷത വഹിച്ചു. അങ്കണവാടി വര്‍ക്കര്‍ സി.എം. കോമളവല്ലി,  ഇ.പി. മുഹമ്മദ്, രജ്ഞു കാഞ്ഞിര, സനില അങ്ങാടിവയല്‍, റസാഖ് താഴക്കണ്ടി   പ്രസംഗിച്ചു.
കന്നാട്ടി അങ്കണവാടിയില്‍ നടന്ന ചടങ്ങില്‍ പഞ്ചായത്തിലെ മുതിര്‍ന്ന അംഗമായ മാവുള്ള  കണ്ടി കേളുനമ്പ്യാര്‍ ഉള്‍പ്പെടെ പ്രദേശത്തെ വയോജനങ്ങളെ ആദരിച്ചു. ഗ്രാമ പഞ്ചായത്ത് വൈസ് പ്രസിഡന്റ്  എന്‍.പി. വിജയന്‍ ഉദ്ഘാടനം ചെയ്തു. പപ്പന്‍ കന്നാട്ടി അധ്യക്ഷനായി. ബാലന്‍ നടുക്കണ്ടി,  അങ്കണവാടി വര്‍ക്കര്‍ ലക്ഷ്മി, ടി.പി കുഞ്ഞിരാമക്കുറുപ്പ്, മാവുള്ള കണ്ടികേളു നമ്പ്യാര്‍  പ്രസംഗിച്ചു.