ഉരുവച്ചാല്‍: തില്ലങ്കേരി പുള്ളിപൊയിലില്‍ വി  കുഞ്ഞിരാമന്‍ നമ്പ്യാരുടെ തെങ്ങിന്‍ തോപ്പിലെ 1500 ഓളം പാകമായതും കരിക്കും ഉള്‍പ്പടെയുള്ള തേങ്ങകള്‍ കുരങ്ങുകള്‍ നശിപ്പിച്ചു. നിരന്തരമായ കുരങ്ങു ശല്യം കാരണം കൃഷി നടത്താന്‍ പറ്റാത്ത സാഹചര്യമാണുള്ളതെന്ന് കര്‍ഷകര്‍ പറഞ്ഞു. വാഴക്കുലകളും മറ്റും നശിപ്പിക്കുന്നതിനാല്‍ കര്‍ഷകര്‍ ആശങ്കയിലാണ്. കൃഷി ഓഫിസിലും ഫോറസ്റ്റ് ഓഫിസിലും പരാതി നല്‍കിയിട്ടുണ്ട്. അടിയന്തരമായി നഷ്ടപരിഹാരവും നടപടികളും കൈകൊള്ളണമെന്ന് പരാതിയില്‍ കര്‍ഷകര്‍ ആവശ്യപ്പെട്ടു.