കാട്ടിക്കുളം: എസ്‌റ്റേറ്റ് മാനേജര്‍ പീഡിപ്പിച്ചെന്ന് കാണിച്ച് യുവതി പൊലിസില്‍ പരാതി നല്‍കി. തിരുനെല്ലി അപ്പപ്പാറ ബ്രഹ്മഗിരി എസ്‌റ്റേറ്റിലെ മാനേജര്‍ക്കെതിരെയാണ് തിരുനെല്ലി പൊലീസില്‍ ദളിത് യുവതി പരാതി നല്‍കിയത്. ഗര്‍ഭിണിയായ യുവതിയുടെ പരാതി പ്രകാരം മാനേജര്‍ക്കെതിരെ ബലാത്സംഘ കുറ്റത്തിനും  എസ്.സിഎസ്.ടി പീഡനിയമപ്രകാരവും കേസെടുത്തു.
കഴിഞ്ഞ ഓഗസ്റ്റ് മാസം വ്യത്യസ്ത ദിനങ്ങളിലായി തന്റെ മേല്‍ ഉദ്യോഗസ്ഥനായ എസ്‌റ്റേറ്റ് മാനേജര്‍ പീഡിപ്പിച്ചുവെന്നാണ് യുവതിയുടെ പരാതി.
ഗര്‍ഭിണിയായ യുവതിയുടെ പരാതി പ്രകാരം കൊല്ലം സ്വദേശിയായ ശിവരാജ(32)നെതിരെയാണ് തിരുന്നെല്ലി പൊലീസ് കേസെടുത്തിരിക്കുന്നത്. ഇന്നലെ ഉച്ചയോടെയാണ് യുവതി പരാതി നല്‍കിയത്. മാനന്തവാടി എസ്.എം.എസ് ഡി.വൈ.എസ്.പി അശോക് കുമാറിനാണ് കേസിന്റെ അന്വേഷണ ചുമതല.