ബംഗളൂരു: പെരുമ്പാവൂര്‍ ജിഷയുടെ കൊലപാതകവുമായി ബന്ധപ്പെട്ട് ഒരാളെക്കൂടി പൊലിസ് കസ്റ്റഡിയിലെടുത്തു. ബെംഗളൂരുവില്‍ നിന്നാണ് ഇയാളെ കസ്റ്റഡിയിലെടുത്തത്. കൊലപാതകം നടക്കുന്ന സമയത്ത് ഇയാള്‍ പെരുമ്പാവൂരിലായിരുന്നുവെന്നു മൊബൈല്‍ ടവര്‍ പരിശോധനയില്‍ പൊലിസിന് വിവരം ലഭിച്ചിരുന്നു. ഇയാളെ കൂടുതല്‍ ചോദ്യം ചെയ്യുകയാണ്. കൊലപാതകത്തിനുള്ള കാരണം അറിയാത്തതാണ് പൊലിസിനെ കുഴക്കുന്നത്. ജിഷയെ എന്തിനാണ് കൊന്നതെന്ന ചോദ്യത്തിന് ഉത്തരം ലഭിച്ചാല്‍ പ്രതിയെ കണ്ടെത്താന്‍ എളുപ്പമായിരുന്നു. സാധാരണ ഇത്തരം കേസുകളില്‍ കാരണം കണ്ടെത്തി പ്രതികളെ പിടികൂടുന്ന രീതിയാണ് പൊലിസ് സ്വീകരിക്കാറുള്ളത്.