മണ്ണാര്‍ക്കാട്: അനധികൃതമായി വില്‍പ്പനക്ക് കൊണ്ടുവന്ന 23 കുപ്പി തമിഴ്‌നാട് മദ്യം ജനമൈത്രി എക്‌സൈസ് സംഘം പിടികൂടി. അഗളി കോട്ടത്തറയില്‍ വച്ചാണ് മൊക്കച്ചാല ഊരിലെ വള്ളിങ്കിരിയുടെ മകന്‍ മണികണ്ഠ (25)നെയാണ് വിദേശമദ്യവുമായി പിടികൂടിയത്. 4.14 ലിറ്റര്‍ മദ്യമാണ് പിടികൂടിയത്.
കഴിഞ്ഞ ദിവസം കോട്ടത്തറയില്‍ നിന്ന് പിടികൂടിയ 51 കുപ്പി വിദേശമദ്യം പിടികൂടിയ സംഭവത്തിലെ അന്വേഷണവുമായി ബന്ധപ്പെട്ടാണ് മണികണ്ഠനെ ഞായറാഴ്ച പിടികൂടിയത്.
മണ്ണാര്‍ക്കാട് മുന്‍സിഫ് മജിസ്‌ട്രേറ്റ് കോടതി പ്രതിയെ റിമാന്‍ഡ് ചെയ്തു. എക്‌സൈസ് പ്രിവെന്റീവ് ഓഫിസര്‍ എം. യൂനസ്, സിവില്‍ എക്‌സൈസ് ഓഫിസര്‍മാരായ കെ. സതീഷ്, വി. പ്രേം കുമാര്‍, എം.എച്ച് ജമാലുദ്ദീന്‍ എന്നിവരടങ്ങുന്ന സംഘമാണ് മദ്യം പിടികൂടിയത്.