മണ്ണാര്‍ക്കാട്: തെങ്കര മെഴുകുംപാറയില്‍ കഴിഞ്ഞ ദിവസം ചെരിഞ്ഞ നിലയില്‍ കാണപ്പെട്ട കാട്ടാന വെടിയേറ്റാണെന്ന് പോസ്റ്റ് മോര്‍ട്ടം റിപ്പോര്‍ട്ട്.
കഴിഞ്ഞ ദിവസം മെഴുകുംപാറ അട്ടിയിലുളള മല്ലീശ്വരന്‍ കോവിലിന് തൊട്ടടുത്തുളള വനത്തിലാണ് മൂന്ന് വയസോളം പ്രായമുളള കുട്ടികൊമ്പനെ ചെരിഞ്ഞ നിലയില്‍ കാണപ്പെട്ടത്. ഇടതുവയറിന് വെടിയേറ്റിട്ടുണ്ടെന്നാണ് പോസ്റ്റ്‌മോര്‍ട്ടത്തിന് നേതൃത്വം നല്‍കിയ ഡോക്ടര്‍മാര്‍ നല്‍കുന്ന വിവരം.
രണ്ടാഴ്ചയോളം പഴക്കമുളളതാണ് ജഡം. ജഡം കാണപ്പെട്ട സ്ഥലത്തിന് തൊട്ടടുത്ത് പുലിയുടേതിന് സമാനമായ കാല്‍പ്പാടുകളും കണ്ടെത്തിയിരുന്നു.
പോസ്റ്റ്‌മോര്‍ട്ടത്തിന് സീനിയര്‍ വെറ്റിനറി സര്‍ജന്‍ ഡോ. ഷാജി പണിക്കശ്ശേരി, വെറ്റിനറി സര്‍ജന്‍ ഡോ. സയ്യിദ് അബൂബക്കര്‍ സിദ്ദീഖ് എന്നിവരാണ് നേതൃത്വം നല്‍കി