കൊച്ചി: ഗാന്ധിജയന്തി വാരാഘോഷത്തിന്റെ ഭാഗമായി ജില്ലാ ഇന്‍ഫര്‍മേഷന്‍ ഓഫിസും നെഹ്‌റു യുവകേന്ദ്രയും ചേര്‍ന്ന് സംഘടിപ്പിച്ച അനുസ്മരണം കാക്കനാട് യൂത്ത് ഹോസ്റ്റലില്‍ ജില്ലാ പഞ്ചായത്ത് പ്രസിഡന്റ് ആശ സനില്‍ ഉദ്ഘാടനം ചെയ്തു.
നെഹ്‌റു യുവകേന്ദ്ര സംസ്ഥാന ഡയറക്ടര്‍ എം സദാചാരവേല്‍ അധ്യക്ഷത വഹിച്ചു. പി.എം വര്‍ഗീസ് മുഖ്യപ്രഭാഷണം നടത്തി. ജില്ലാ ഇന്‍ഫര്‍മേഷന്‍ ഓഫിസര്‍ നിജാസ് ജ്യുവല്‍, നെഹ്‌റു യുവകേന്ദ്ര ജില്ലാ കോ ഓഡിനേറ്റര്‍ ടോണി തോമസ്, നന്ദകുമാര്‍, കെ.എം അബ്ദുള്‍ നസീര്‍ എന്നിവര്‍ സംസാരിച്ചു.
കടുങ്ങാശ്ശേരി മഹാത്മ റസിഡന്റ്‌സ് അസോസിയേഷന്‍ സംഘടിപ്പിച്ച അനുസ്മരണ സമ്മേളനം നായരമ്പലം ഗ്രാമപഞ്ചായത്ത് പ്രസിഡന്റ് ഇ.പി ഷിബു ഉദ്ഘാടനം ചെയ്തു. എബ്രഹാം ഇലഞ്ഞിക്കല്‍, വിക്ടര്‍ മാസ്റ്റര്‍, പി.എ ബാബു, ജോജോ വിക്ടര്‍, ജെസി കുഞ്ഞച്ചന്‍, അഡ്വ. വി.പി സാബു, ജോയ് നായരമ്പലം എന്നിവര്‍ സംസാരിച്ചു.
പി.ആര്‍.ഡി പ്രസിദ്ധീകരിച്ച പ്രണാമം ഗാന്ധികവിതകളുടെ സമാഹാരവും ചടങ്ങില്‍ വിതരണം ചെയ്തു. വാരാഘോഷത്തിന്റെ ഭാഗമായി കച്ചേരിപ്പടി സെന്റ് ആന്റണീസ് ഹയര്‍ സെക്കന്‍ഡറി സ്‌കൂളില്‍ പരിസ്ഥിതി സെമിനാറിന്റെ ഉദ്ഘാടനം ഇന്നു രാവിലെ പത്തിനു പ്രിന്‍സിപ്പല്‍ കെ.വി സബീന നിര്‍വഹിക്കും. എം രഞ്ജിത് കുമാര്‍ മുഖ്യപ്രഭാഷണം നടത്തും.