മുഹമ്മ: കഞ്ഞിക്കുഴി സര്‍വ്വീസ് സഹകരണ ബാങ്കിന്റെ കര്‍ഷക ഓപ്പണ്‍ സ്‌കൂളിലെ ആദ്യ ബാച്ച് പഠനം പൂര്‍ത്തിയാക്കി. ഒന്നര മാസം നീണ്ട പരിശീലനത്തിനു ശേഷമാണ് സ്ത്രീകളടക്കം 24 പേരടങ്ങുന്ന ആദ്യ ബാച്ച് പുറത്തിറങ്ങിയത്. ഇവര്‍ക്കുള്ള സര്‍ട്ടിഫിക്കറ്റ് വിതരണം ജില്ലാ പഞ്ചായത്ത് പ്രസിഡന്റ് ജി വേണുഗോപാല്‍ നിര്‍വ്വഹിച്ചു.
ബാങ്ക് പ്രസിഡന്റ് അഡ്വ. എം സന്തോഷ് കുമാര്‍ അധ്യക്ഷത വഹിച്ചു. ജമീല പുരുഷോത്തമന്‍, ആര്‍ വിജയകുമാരി, ഡോ.ആര്‍ ആര്‍ നായര്‍, വി പ്രസന്നന്‍ തുടങ്ങിയവര്‍ സംസാരിച്ചു.
കാര്‍ഷിക ഓപ്പണ്‍ സ്‌കൂളിലെ പുതിയ ബാച്ചിലേയ്ക്കുള്ള പ്രവേശനം ആരംഭിച്ചു. വിവരങ്ങള്‍ക്ക് 9447463668 എന്ന നമ്പരില്‍ ബന്ധപ്പെടുക.