ശാസ്താംകോട്ട: ആയുധങ്ങളുമായി അര്‍ധരാത്രിയില്‍ മോഷണത്തിനെത്തിയ യുവാക്കളെ ശൂരനാട് പൊലിസ് പട്രോളിങ് സംഘം പിടികൂടി.
കുന്നത്തൂര്‍ പ്രസന്ന മന്ദിരത്തില്‍ ഷിബു എന്നു വിളിക്കുന്ന സുരേഷ്ബാബു(32), കോട്ടാത്തര പുലിക്കോട് കോളനിയില്‍ അനില്‍ഭവനില്‍ പാളയംതോടന്‍ അനി എന്ന അനില്‍കുമാര്‍(34), ചക്കുവരയ്ക്കല്‍ കോട്ടവട്ടം കുമരംപാറ പ്ലാവിള വീട്ടില്‍ രാജീവ്(42) എന്നിവരാണ് പിടിയിലായത്. വീടുകളുടെ പൂട്ടും കൊളുത്തും തകര്‍ക്കുന്നതിന് വേണ്ടി ഉപയോഗിക്കുന്ന ആയുധങ്ങളാണ് ഇവര്‍ കരുതിയിരുന്നത്. പോരുവഴി പരവട്ടത്തുനിന്നുമാണ്  ഇവരെ സംശയകരമായ സാഹചര്യത്തില്‍ കസ്റ്റഡിയിലെടുത്തത്.
ശാസ്താംകോട്ട കോടതിയില്‍ ഹാജരാക്കിയ പ്രതികളെ റിമാന്റ് ചെയ്തു. ഇവര്‍ക്കെതിരെ വിവിധ പൊലിസ് സ്റ്റേഷനുകളില്‍ മോഷണക്കേസുകള്‍ നിലവിലുണ്ട്.