അമൃത്സര്‍: പഞ്ചാബിലെ ടോട്ടാഗുരുവില്‍ പാക് ബോട്ട് ഉപേക്ഷിക്കപ്പെട്ട നിലയില്‍ കണ്ടെത്തി. രവി നദിയിലാണ് ബി.എസ്.എഫ് ജവാന്മാര്‍ ബോട്ട് കണ്ടെത്തിയത്. 

തീവ്രവാദികൾ ഇന്ത്യയിലേക്ക് നുഴഞ്ഞു കയറാൻ ഉപയോഗിച്ച ബോട്ടാണ് ഇതെന്നാണ് സംശയിക്കുന്നത്.ബോട്ട് കണ്ടെത്തിയതിനെ തുടര്‍ന്ന് പ്രദേശത്ത് തെരച്ചില്‍ ശക്തമാക്കിയിട്ടുണ്ട്.

നേരത്തെ ഗുജറാത്ത് തീരത്തു നിന്നും സംശയകരമായ സാഹചര്യത്തില്‍ കണ്ട പാക് ബോട്ട് ഇന്ത്യന്‍ തീരദേശ സേന പിടികൂടിയിരുന്നു.

ഉറി ഭീകരാക്രമത്തിന് ഇന്ത്യ തിരിച്ചടി നല്‍കിയതിന് ശേഷം അതിര്‍ത്തി സംസ്ഥാനങ്ങളില്‍ കനത്ത ജാഗ്രതാ നിര്‍ദ്ദേശം നല്‍കിയിരിക്കുകയാണ്. ഇതിനു പിന്നാലെയാണ് സംശയകരമായ സാഹചര്യത്തില്‍ പാക് ബോട്ടുകള്‍ കണ്ടെത്തിയിരിക്കുന്നത്.