ന്യൂഡല്‍ഹി: അഗസ്റ്റ വെസ്റ്റ്‌ലാന്‍ഡ് ഹെലിക്കോപ്ടര്‍ ഇടപാടില്‍ കോണ്‍ഗ്രസ് അധ്യക്ഷ സോണിയാ ഗാന്ധിയെ അറസ്റ്റ് ചെയ്യാന്‍ പ്രധാനമന്ത്രിക്ക് ധൈര്യമില്ലെന്ന് കെജ് രിവാള്‍ ആരോപിച്ചു. അഴിമതിയില്‍ കോണ്‍ഗ്രസും ബി.ജെ.പിയും ഒത്തുകളിക്കുകയാണ്. മോദിയുടെ വിദ്യാഭ്യാസ യോഗ്യത ഉയര്‍ത്താന്‍ കോണ്‍ഗ്രസും ഹെലിക്കോപ്ടര്‍ ഇടപാടില്‍ നടപടി എടുക്കാന്‍ ബി.ജെ.പിയും വിമുഖത കാട്ടുകയാണ്. സോണിയയുടെയും അഹമ്മദ് പട്ടേലിന്റെയും മറ്റ് ചില ഉന്നത കോണ്‍ഗ്രസ് നേതാക്കളുടേയും പേരുകള്‍ ഇറ്റാലിയന്‍ കോടതി പുറത്തുവിട്ടു. എന്നിട്ടും അവര്‍ക്കെതിരേ അറസ്റ്റിനു മുതിരാത്തത് ധൈര്യമില്ലാത്തതുകൊണ്ടാണ്. ഇന്ത്യയിലെ അഴിമതിയില്‍ ഇറ്റലിയല്ല നടപടിയെടുക്കേണ്ടതെന്നും സോണിയക്കെതിരേ നടപടിയുണ്ടായാല്‍ നിങ്ങളെപ്പോലെ മറ്റുള്ളവരുടെ നെഞ്ചും 56 ഇഞ്ച് ആകുമെന്നും കെജ്‌രിവാള്‍ പറഞ്ഞു.