പൊന്നാനി : മഹല്ല് സമ്പര്‍ക്കത്തിലൂടെ ധാര്‍മിക പ്രചാരണം ലക്ഷ്യമാക്കുന്ന ഇബാദ് ഖാഫില സംസ്‌കരണ സഞ്ചാരം കൂടുതല്‍ സ്ഥലങ്ങളിലേക്ക് വ്യാപിപ്പിക്കാനുള്ള കര്‍മരേഖയ്ക്ക് പൊന്നാനിയില്‍ നടന്ന സ്റ്റേറ്റ് ലീഡേഴ്‌സ് സമ്മിറ്റ് അന്തിമ രൂപം നല്‍കി. ഓരോ മഹല്ലിലും 24 മണിക്കൂര്‍ ചെലവിടുന്ന സംഘം ഗൃഹസമ്പര്‍ക്കം, തസ്‌കിയ, ടീനേജ് കാംപസ്, ഫാമിലി ക്ലസ്റ്റര്‍, കൗണ്‍സലിങ്, തര്‍ബിയ തുടങ്ങിയ വിഷയങ്ങളില്‍ ബോധവല്‍കരണത്തിന് നേതൃത്വം നല്‍കും. എസ്.കെ.എസ്.എസ്.എഫ് പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്തു. ഇബാദ് ജനറല്‍ കണ്‍വീനര്‍ ആസിഫ് ദാരിമി പുളിക്കല്‍ അധ്യക്ഷനായി. ഇബാദ് ചെയര്‍മാന്‍സയ്യിദ് അബ്ബാസലി ശിഹാബ് തങ്ങള്‍ സമാപന സന്ദേശം നല്‍കി. ഇബാദ് മലപ്പുറം ജില്ലാ ഖാഫില സഞ്ചാരം എട്ട് ഏരിയകളില്‍ ഏഴു മുതല്‍ തുടങ്ങും.