സ്വാശ്രയ കോളജ്
പ്രവേശനം
സര്‍വകലാശാലയുടെ പുതുതായി അനുവദിച്ചിട്ടുള്ള മേനംകുളം മരിയന്‍ കോളേജ് ഓഫ് ആര്‍ട്‌സ് ആന്‍ഡ് സയന്‍സില്‍ (സ്വാശ്രയ കോളേജ്)  ഒന്നാം വര്‍ഷ ബിരുദ കോഴ്‌സുകളില്‍ (2016-17) മെറിറ്റ് ക്വാട്ട വഴിയുള്ള പ്രവേശനം ആറിന് കോളജില്‍ വച്ച് നേരിട്ട് നടത്തും.  
താല്‍പര്യമുള്ളവര്‍ രാവിലെ ഒന്‍പതിനും പതിനൊന്നിനും ഇടയ്ക്ക് കോളജില്‍ ഹാജരാകണം. ഓണ്‍ലൈന്‍ രജിസ്റ്റര്‍ ചെയ്തിട്ടുള്ളവരുടെ അഭാവത്തില്‍ മറ്റുള്ളവരെ പരിഗണിക്കും. ബി.എ ഇംഗ്ലീഷ് ലാംഗ്വേജ് ആന്‍ഡ് ലിറ്ററേച്ചര്‍, ബി.കോം ഇലക്ടീവ് കംപ്യൂട്ടര്‍ ആപ്ലിക്കേഷന്‍, ബി.ബി.എ എന്നീ കോഴ്‌സുകളിലേക്കാണ് പ്രവേശനം നടത്തുക.

ക്ലാസുകള്‍ക്ക് അവധി
വിദൂരവിദ്യാഭ്യാസ വിഭാഗത്തിന്റെ മൂന്നാം വര്‍ഷ ബിരുദ കോഴ്‌സുകളുടെ സമ്പര്‍ക്കക്ലാസുകള്‍ക്ക് എല്ലാ കേന്ദ്രങ്ങളിലും എട്ട്, ഒന്‍പത് തിയതികളില്‍ അവധിയായിരിക്കും.

പരീക്ഷാ ഫലം
ജൂലൈയില്‍ നടത്തിയ രണ്ടാം സെമസ്റ്റര്‍ ഡിപ്ലോമ ഇന്‍ ട്രാന്‍സലേഷന്‍ സ്റ്റഡീസ് പരീക്ഷാഫലം വെബ്‌സൈറ്റില്‍  ലഭിക്കും.

പ്രോജക്ട് സമര്‍പ്പണം
വിദൂരവിദ്യാഭ്യാസ വിഭാഗത്തിന്റെ എം.എ, എം.എസ്‌സി പ്രോജക്ടുകള്‍ 15-നകം സമര്‍പ്പിക്കണം.

പ്രാക്ടിക്കല്‍വൈവ
ജൂലൈയില്‍ നടത്തിയ നാലാം സെമസ്റ്റര്‍ എം.എസ്‌സി ജിയോളജി പരീക്ഷയുടെ പ്രാക്ടിക്കലും വൈവയും 13 മുതല്‍ 17 വരെ രാവിലെ 10 മുതല്‍ അതത് കോളജില്‍ നടത്തും. ടൈംടേബിള്‍ വെബ്‌സൈറ്റില്‍.