ശ്രീകൃഷ്ണപുരം: തിരുവാഴിയോട് ജംഗ്ഷനില്‍  മണ്ണാര്‍ക്കാട് റോഡില്‍  സ്ഥിതി ചെയ്യുന്ന വെങ്കിടേശ്വര ഹോട്ടല്‍  ഉടമയായ നാരയണന്റെ വീട് കത്തി നശിച്ചു.
ഹോട്ടലിനോട് ചേര്‍ന്നാണ് വീട് സ്ഥിതി ചെയ്യുന്നത്. ഹോട്ടലിന്റെ പുകക്കുഴല്‍  വഴിയാണ് വീടിനു തീപിടിച്ചതെന്ന്  കരുതുന്നു. വീട്ടുപകരണങ്ങളും വസ്ത്രങ്ങളും ഉള്‍പ്പെടെ അഞ്ച് ലക്ഷം രൂപയുടെ നഷ്ടം സംഭവിച്ചതായി കണക്കാകുന്നു.
ചൊവ്വാഴ്ച്ച പുലര്‍ച്ചെ 4.30 നാണ് സംഭവം. മണ്ണാര്‍ക്കാട് അഗ്നിശമന സേന എത്തിയപ്പോഴേക്കും മുകള്‍  ഭാഗം കത്തി നശിച്ചിരുന്നു. നാട്ടുകാരും അഗ്നി ശമന സേനാംഗങ്ങളും താഴ് ഭാഗത്തേക്ക്  തീ പടരുന്നത് തടഞ്ഞു.
ശ്രീകൃഷ്ണപുരം എസ്.ഐ കൃഷ്ണന്‍, ഫയര്‍ ഫോഴ്‌സ് ഉദ്യോഗസ്ഥന്‍മാരായ സന്തോഷ്, കെ.ടി രാജേഷ്, പ്രശാന്ത്, സനല്‍രാജ്, രാംദാസ്, മൂസ, വിജേഷ്, മോഹനന്‍, വിഷ്ണു, പേജിത്ത് എന്നിവരും നാട്ടുകാരും ചേര്‍ന്നാണ് തീയണച്ചത്.