ക്കേല്‍പ്പിച്ച അധ്യാപകനെതിരേ കേസെടുത്തു
ആദൂര്‍: ഒമ്പതാം ക്ലാസ്  അടിച്ച്  പരുക്കേല്‍പ്പിച്ച അധ്യാപകനെതിരേ  പൊലിസ് കേസെടുത്തു. ആദൂര്‍ മഞ്ഞമ്പാറയിലെ മജ്‌ലിസ് ഇംഗ്ലീഷ് മീഡിയം സ്‌കൂള്‍ അധ്യാപകന്‍  പൊവ്വല്‍ മാസ്തിക്കുണ്ട് സ്വദേശി ഖാലിദിനെതിരെയാണ് ആദൂര്‍ പൊലിസ്  ജുവൈനല്‍ ആക്ട് പ്രകാരം കേസെടുത്തത്. സ്‌കൂളിലെ ഒമ്പതാം തരം വിദ്യാര്‍ഥിയും, പരേതനായ അബ്ദുല്ല കുഞ്ഞിയുടെ മകനുമായ അജ്മല്‍ റോഷനാണ് അധ്യാപകന്റെ  മര്‍ദനത്തിന് ഇരയായത്.
സംഭവത്തില്‍ പരുക്കേറ്റ  റോഷന്‍ ആശുപത്രിയില്‍ ചികിത്സ തേടി.
കഴിഞ്ഞ ദിവസമാണ് സംഭവം. ഇന്നലെ  ബന്ധുവിനൊപ്പം സ്റ്റേഷനിലെത്തിയ വിദ്യാര്‍ഥി  നേരിട്ട് പറഞ്ഞ പരാതിപ്രകാരമാണ് കേസെടുത്തതെന്ന് ആദൂര്‍ പൊലിസ് പറഞ്ഞു.
അതേ സമയം സ്‌കൂള്‍ മാനേജ്‌മെന്റ് ഇന്നലെ  അടിയന്തിര യോഗം ചേര്‍ന്ന് കേസില്‍ പ്രതിയായ അധ്യാപകനെ സര്‍വിസില്‍ നീക്കിയെന്ന് സ്‌കൂള്‍ അധികൃതര്‍ പറഞ്ഞു.