മേപ്പയ്യൂര്‍: കീഴരിയൂര്‍ നെല്ല്യാടിക്കടവ് തീരത്ത് കൊയിലാണ്ടി പൊലിസ് നടത്തിയ വ്യാജചാരായ റെയ്ഡില്‍ രണ്ടുപേര്‍ പിടിയില്‍. കോയുത്തുമ്മല്‍ ലാലു(37), കോയുത്തുമ്മല്‍ വേലായുധന്‍ (55) എന്നിവരെയാണ് അറസ്റ്റു ചെയ്തത്.
2,000 ലിറ്റര്‍ വാഷും നാലുലിറ്റര്‍ ചാരായവും വാറ്റുപകരണങ്ങളും ഇവരില്‍നിന്നു കണ്ടെടുത്തു. കൊയിലാണ്ടി സര്‍ക്കിള്‍ ഇന്‍സ്‌പെക്ടര്‍ എന്‍. ഉണ്ണികൃഷ്ണന്‍, എസ്.ഐ നിപുണ്‍ശങ്കര്‍ എന്നിവരുടെ നേതൃത്വത്തിലുള്ള പൊലിസ് സംഘമാണ് റെയ്ഡ് നടത്തിയത്.