രാമനാട്ടുകര: രാമനാട്ടുകര നഗരസഭാ ഓഫിസില്‍ പ്രവര്‍ത്തിക്കുന്ന വി.ഇ.ഒ ഓഫിസിന്റെ പൂട്ട് തകര്‍ത്ത് മോഷണശ്രമം. നഗരസഭാ ഓഫിസിന്റെ മുകള്‍നിലയില്‍ പ്രവര്‍ത്തിക്കുന്ന വി.ഇ.ഒ ഓഫിസിന്റെ പൂട്ട് കമ്പി ഉപയോഗിച്ച് തുറക്കാനുള്ള ശ്രമത്തില്‍ തകര്‍ന്നിട്ടുണ്ട്. രാമനാട്ടുകര നഗരസഭാ ചെയര്‍മാന്‍ വാഴയില്‍ ബാലകൃഷ്ണന്റെ പരാതിയില്‍ ഫറോക്ക് പൊലിസ് സ്ഥലത്തെത്തി പരിശോധിച്ചു. മാസങ്ങള്‍ക്കുമുന്‍പ് നഗരസഭാ ഓഫിസില്‍ മോഷണം നടന്നിരുന്നു. അന്ന് നഗരസഭാ ചെയര്‍മാന്റെ ഓഫിസിന്റെ പൂട്ടുപൊളിച്ച മോഷ്ടാക്കള്‍ ഫയലുകളും മറ്റും പരിശോധിച്ചിരുന്നു. പൊലിസ് പരിശോധനയില്‍ തെളിവുകള്‍ ലഭിച്ചില്ല.