പുലാമന്തോള്‍: ഗ്രാമപഞ്ചായത്തിന്റെ നേതൃത്വത്തില്‍ നടക്കുന്ന പുലാമന്തോള്‍ ഷോപ്പിംഗ് ഫെസ്റ്റ് ഇന്നാരംഭിക്കും. വ്യാപാരി വ്യവസായി ഏകോപന സമിതി,വ്യാപാരി വ്യവസായി സമിതി, പുലാമന്തോള്‍ കോംപ്ലക്‌സ് പ്രൈവറ്റ് ലിമിറ്റഡ് കമ്പനി എന്നിവരുടെ സംയുക്താ ഭി മുഖ്യത്തിലാണു മൂന്നു മാസം നീണ്ടു നില്‍ക്കുന്ന ഷോപ്പിംഗ് ഫെസ്റ്റിനു തുടക്കമാവുന്നത്.
സാംസ്‌ക്കാരിക ഘോഷയാത്ര, ഗാനമേള, അമ്യൂസ്‌മെന്റ് പാര്‍ക്ക്, അലങ്കാര മത്സ്യ പ്രദര്‍ശനം, ഫുഡ് ഫെസ്റ്റ് , മെഹന്തി ഫെസ്റ്റ്, വാഹനങ്ങളുടെ മെഗാ എക്‌സ്‌പോ, ബോഡി ഷോ, കളരി  കരാട്ടെ പ്രദര്‍ശനം, തെരുവോര വാണിഭം, വിവിധ കലാപരിപാടികള്‍, ഡാന്‍സ് ഫെസ്റ്റ്, നാടന്‍ കലകള്‍, കൂട്ടയോട്ടം തുടങ്ങിയ പരിപാടികള്‍ വിവിധ ദിവസങ്ങളിലായി ഫെസ്റ്റില്‍ നടക്കും. ഫെസ്റ്റിന്റെ ഉദ്ഘാടന ദിവസമായ ഇന്നു  വൈകുന്നേരം നാലിനു വാദ്യമേളങ്ങളുടെ അകമ്പടിയോടെ പുലാമന്തോള്‍ ബസ് സ്റ്റാന്റില്‍ നിന്നു സാംസ്‌ക്കാരിക ഘോഷയാത്ര ആരംഭിക്കും. തുടര്‍ന്നു വൈകുന്നേരം അഞ്ചിനു പെരിന്തല്‍മണ്ണ സബ് കലക്ടര്‍ ജാഫര്‍മാലിക് ഐ.എ.എസ് ഉദ്ഘാടന കര്‍മം നിര്‍വഹിക്കും.