പാണ്ടിക്കാട്:  ഒടോമ്പറ്റയിലെ കോഴിഫാമില്‍ ആക്രമിച്ചു കടന്ന തെരുവുനായകള്‍ കോഴികളെ കൂട്ടത്തോടെ കൊന്നൊടുക്കി.
തിങ്കളാഴ്ച രാത്രി ചെമ്പ്രശ്ശേരി ഒടോമ്പറ്റ കോട്ടപ്പടിയില്‍ പൊട്ടംതൊടിക ഹസ്സൈനാരുടെ ഫാമിലെ 44 ദിവസം പ്രായമായ 100 ഓളം കോഴികളെയാണു നായക്കൂട്ടം കൊന്നൊടുക്കിയത്.ആള്‍ താമസമില്ലാത്ത വീടുകള്‍, കെട്ടിടങ്ങള്‍, തോട്ടങ്ങള്‍ എന്നിവിടങ്ങളില്‍ തമ്പടിച്ച നായകളാണു കോഴി ഫാമുകളുടെ ഇരുമ്പു നെറ്റുകൊണ്ടു നിര്‍മിച്ച സുരക്ഷാഭിത്തി കടിച്ചു കീറി തുളകളുണ്ടാക്കി ഫാമുകള്‍ക്കുള്ളില്‍ കയറി കോഴികളെ കൊന്നൊടുക്കിയത്. വായ്പയെടുത്തും ആഭരണങ്ങള്‍ പണയപ്പെടുത്തിയും ഫാമുകള്‍ തുടങ്ങിയ കര്‍ഷകര്‍ ആശങ്കയിലായിരിക്കുകയാണ്.