ഇരിട്ടി: ഇരിട്ടി സബ്ഡിവിഷനു കീഴിലെ പൊലിസ് സ്റ്റേഷനുകളുടെ ആഭിമുഖ്യത്തില്‍ അതാതു സ്റ്റേഷന്‍ നില്‍ക്കുന്ന പ്രദേശത്തെ ടൗണുകളും പരിസര പ്രദേശങ്ങളും ശുചീകരിച്ചു. ഇരിട്ടി പൊലിസ് സ്റ്റേഷന്‍ അധികൃതരുടെ നേതൃത്വത്തില്‍ നടന്ന ടൗണ്‍ ശുചീകരണം പാലത്തിനു സമീപം ഇരിട്ടി ഡിവൈ.എസ്.പി പ്രജീഷ് തോട്ടത്തില്‍ ഉദ്ഘാടനം ചെയ്തു.
ഇരിട്ടി സി.ഐ സജേഷ് വാഴവളപ്പില്‍, പ്രിന്‍സിപ്പല്‍ എസ്.ഐ സുധീര്‍ കല്ലന്‍, അഡിഷണല്‍ എസ്.ഐമാര്‍, സി.പി.ഒമാര്‍ ആറളം ഗവ.ഹയര്‍സെക്കന്‍ഡറി സ്‌കൂള്‍ സ്റ്റുഡന്‍സ് പൊലിസ് കാഡറ്റുകള്‍ തുടങ്ങിയവര്‍ ശുചീകരണത്തില്‍ പങ്കാളികളായി.