പയ്യന്നൂര്‍: പയ്യന്നൂര്‍ ഐ.എസ്.ഡി സീനിയര്‍ സെക്കന്‍ഡറി ഇംഗ്ലീഷ് സ്‌കൂള്‍ സില്‍വര്‍ ജൂബിലിയുടെ ഭാഗമായി വിവിധ പരിപാടികള്‍ സംഘടിപ്പിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ഈ മാസം ആദ്യവാരത്തില്‍ പരിസര ശുചീകരണം നടത്തും.
15 ന് കണ്ണൂര്‍ കാസര്‍കോട് ജില്ലാതല സി.ബി.എസ്.ഇ സ്‌കൂള്‍ തല ക്വിസ് മത്സരവും 27, 28 തിയതികളില്‍ കണ്ണൂര്‍ കാസര്‍കോട് ജില്ലാ തല വോളിബോള്‍ മത്സരവും സംഘടിപ്പിക്കും. സില്‍വല്‍ ജൂബിലി ആഘോഷങ്ങളുടെ സമാപനത്തോടനുബന്ധിച്ചു ഡിസംബര്‍ മാസത്തില്‍ സുവനീര്‍ പ്രകാശനം, ഡയാലിസിസ് സെന്റര്‍ ശിലാസ്ഥാപനം എന്നിവയും നടത്തും.  
വാര്‍ത്താ സമ്മേളനത്തില്‍ ചെയര്‍മാന്‍ ടി.പി മുഹമ്മദ് കുഞ്ഞി, സി .സി വിജയകുമാര്‍, സി ഷൗക്കത്തലി, കക്കളത്ത് അബ്ദുള്‍ ഖാദര്‍, കെ.പി അഹമ്മദ് ഹാജി, കെ.കെ.എസ് പൊതുവാള്‍, ടി വി പ്രദീപ് സംബന്ധിച്ചു.