ഇരിട്ടി: കര്‍ണാടകയില്‍ നിന്നു ഇരിട്ടി ഭാഗത്തേക്കു വരികയായിരുന്ന കാറില്‍ നിന്നു 90 ഗ്രാം കഞ്ചാവുമായി നാലു പേരെ ഇരിട്ടി പൊലിസ് പിടികൂടി. നണിയൂര്‍ നമ്പ്രം മുല്ലക്കൊടി സ്വദേശി കെ.പി സാജിദ്(27), കയരളം സ്വദേശി പി.എം സിദ്ധീക്ക്(27), നാണിയൂര്‍ നമ്പ്രത്തെ നവാസ്(23), മുല്ലക്കൊടിയിലെ കെ സജേഷ്(25) എന്നിവരാണ് പിടിയിലായത്. കൂട്ടുപുഴയില്‍ ഇരിട്ടി എസ്.ഐ കെ സുധീറിന്റെ നേതൃത്വത്തില്‍ നടത്തിയ വാഹന പരിശോധനക്കിടെയാണ് ഇവരെ കഞ്ചാവുമായി പിടികൂടുന്നത്.നാര്‍ക്കോട്ടിക് നിയമപ്രകാരം അറസ്റ്റ് ചെയ്ത നാലു പേരെയും മട്ടന്നൂര്‍ കോടതിയില്‍ ഹാജരാക്കി റിമാന്‍ഡ് ചെയ്തു.