കൊച്ചി: കന്നി മത്സരത്തില്‍ നോര്‍ത്ത് ഈസ്റ്റ് യുനൈറ്റഡിനോടു പരാജയപ്പെട്ട കേരളാ ബ്ലാസ്റ്റേഴ്‌സിന് ഹോം മാച്ചിലും ദയനീയ പരാജയം. കൊച്ചിയില്‍ ആര്‍പ്പുവിളികളോടെ ഒത്തുകൂടിയ ആയിരങ്ങളെ മൗനികളാക്കി കൊല്‍ക്കത്തയ്‌ക്കെതിരെ ഒരു ഗോളിനു വഴങ്ങിയാണ് ബ്ലാസ്‌റ്റേഴ്‌സ് തോറ്റു കൊടുത്തത്.

ആദ്യ പകുതിയില്‍ ഗോള്‍ രഹിതമായാണ് കളി അവസാനിച്ചതെങ്കിലും രണ്ടാം പകുതിയില്‍ ഒരുങ്ങിത്തന്നെയായിരുന്നു കൊല്‍ക്കത്തയുടെ വരവ്. 54-ാം മിനിറ്റില്‍ ജേവ്യര്‍ ഗ്രാന്റെയുടെ കാലില്‍ നിന്ന് പന്ത് വലയിലേക്ക് കുതിച്ചു. ഈ ഗോളോടെ കളിയില്‍ ലീഡ് പിടിച്ച കൊല്‍ക്കത്ത പിന്നീട് കേരളത്തിന്റെ മുന്നേറ്റങ്ങളെയെല്ലാം തകര്‍ത്ത് വിജയം കാത്തുസൂക്ഷിക്കുകയായിരുന്നു.