മുട്ടില്‍: എം.എസ്.എഫ് ഡബ്ല്യു.എം.ഒ കോളജ് യൂനിറ്റ് കമ്മിറ്റിയുടെ കൈയെഴുത്ത് മാഗസിന്‍ 'വിശപ്പിനെ വില്‍ക്കുന്നവരോട് ' പ്രകാശനം ചെയ്തു. വിദ്യാര്‍ഥികളോടുള്ള സര്‍ക്കാരിന്റെ അവഗണനക്കെതിരേ പ്രതിഷേധമായാണ് മാഗസിന്‍ തയാറാക്കിയത്. എം.എസ്.എഫ്  ജില്ലാ പ്രസിഡന്റ് ലുക്മാനുല്‍ ഹകീം വി.പി.സി  ജില്ലാ സെക്രട്ടറി അസ്ഹറുദ്ദീന്‍ കല്ലായിക്ക് നല്‍കി പ്രകാശനം ചെയ്തു.
പാവങ്ങളോടും വിദ്യാര്‍ഥികളോടും സര്‍ക്കാര്‍ കാണിക്കുന്ന അവഗണന തുടര്‍ന്നാല്‍ വിദ്യാര്‍ഥികള്‍ അതിനെ ഒറ്റക്കെട്ടായി നേരിടുമെന്നും പരിപാടി അഭിപ്രായപ്പെട്ടു. അജ്മല്‍ കമ്പളക്കാട് അധ്യക്ഷനായി. ഇസ്മായില്‍ മാണ്ടാട്, റിയാസ് പാപ്ലശ്ശേരി, ആസിഫ് കൊയിലാണ്ടി, ജംഷീദ് ബത്തേരി, ഷനൂപ് പരിയാരം, ജാസില്‍ കാക്കവയല്‍, നിയാസ് മടക്കിമല,  തന്‍സീറ മാനന്തവാടി സംസാരിച്ചു.