മാനന്തവാടി: നഗരസഭാ ചെയര്‍മാന്റെ കുളത്തിലെ മത്സ്യങ്ങള്‍ ദുരൂഹ സാഹചര്യത്തില്‍ കൂട്ടത്തോടെ ചത്തുപൊങ്ങി. മാനന്തവാടി നഗരസഭ ചെയര്‍മാന്‍ വി.ആര്‍ പ്രവീജിന്റെ തറവാട്ടിലെ കുളത്തില്‍ വളര്‍ത്തുന്ന മത്സ്യങ്ങളാണ് കഴിഞ്ഞ രണ്ടു ദിവസമായി ചത്തുപൊങ്ങുന്നത്. ആരോഗ്യ വകുപ്പ് ഉദ്യോഗസ്ഥര്‍ സ്ഥലത്തെത്തി വെള്ളത്തിന്റെ സാമ്പിള്‍ പരിശോധനക്കായി കൊണ്ടു പോയിട്ടുണ്ട്. വിഷം കലര്‍ത്തിയതല്ല മത്സ്യങ്ങള്‍ കൂട്ടത്തോടെ ചത്തുപൊങ്ങുന്നതിന് കാരണമെന്ന് കരുതുന്നു. പൊലിസും സ്ഥലത്തെത്തി വിവരങ്ങള്‍ ശേഖരിച്ചിട്ടുണ്ട്.