പൊഴുതന: ഗവ. എല്‍.പി സ്‌കൂളില്‍ സ്‌നേഹ പൂര്‍വം സുപ്രഭാതം പദ്ധതി ആരംഭിച്ചു. പൊഴുതനയിലെ മത രാഷ്ട്രീയ രംഗങ്ങളിലെ നിറസാനിധ്യവും പി.ഡബ്ല്യു.ഡി കോണ്‍ട്രാക്ടറുമായ വി.പി സൈതലവിയാണ് പത്രം സ്‌പോണ്‍സര്‍ ചെയ്തത്. പി.ടി.എ പ്രസിഡന്റ് കെ. ശിഹാബുദ്ദീന്‍ അധ്യക്ഷനായി. സ്‌കൂള്‍ ലീഡര്‍മാരായ മുഹമ്മദ് ഹനാന്‍, ഹര്‍ഷ എന്നിവര്‍ക്ക് പത്രം നല്‍കി വി.പി സൈതലവി പദ്ധതി ഉദ്ഘാടനം ചെയ്തു. സുപ്രഭാതം ജില്ലാ കോഡിനേറ്റര്‍ ഹാരിസ് ബാഖവി പദ്ധതി വിശദീകരിച്ചു. പ്രധാനാധ്യാപിക ശ്യാമള ടീച്ചര്‍, സ്റ്റാഫ് സെക്രട്ടറി കെ. ഫൈസല്‍, അധ്യാപകരായ എം.വി സുബൈദ, യു.കെ ഷമീന, എം. പ്രഭ, പി.ടി ഷിജി, മേഴ്‌സണ്‍ എബ്രഹാം, കെ.സി ലിസ, എസ്.കെ.എസ്.എസ്.എഫ് ജില്ലാ സെക്രട്ടറി എം.വി സാജിദ് മൗലവി, എസ്.വൈ.എസ് ജില്ലാ സെക്രട്ടറി കെ.എ നാസര്‍ മൗലവി സംബന്ധിച്ചു.
തോട്ടം മേഖലയായ പൊഴുതനയില്‍ 1923ലാണ് ഈ വിദ്യാലയം ആരംഭിച്ചത്. മുന്നൂറോളം വിദ്യാര്‍ഥികള്‍ പഠിക്കുന്ന ഈ അക്ഷയ കേന്ദ്രത്തെ വീര്‍പ്പുമുട്ടിക്കുന്നത് മതിയായ കളിക്കളമോ മറ്റു സൗകര്യങ്ങളോ ഇല്ലെന്നുള്ളതാണ്.
ആകെയുള്ള 23 സെന്റില്‍ ബില്‍ഡിങുകള്‍ ഉയര്‍ന്നു കഴിഞ്ഞു. പാഠ്യ പാഠ്യേതര തലങ്ങളില്‍ പഞ്ചായത്തിലും ജില്ലയിലും സര്‍ക്കാര്‍ എല്‍.പി സ്‌കൂളില്‍ മികച്ചു നില്‍ക്കുന്ന ഈ വിദ്യാലയത്തെ ഉയരങ്ങളിലെത്താന്‍ അധ്യാപകരും പി.ടി.എയും പരശ്രമിച്ചു കൊണ്ടിരിക്കുകയാണ്.