കൊപ്പം: വിളയൂരില്‍  വീട്ടു തറയുടെ മുകളില്‍ ഉണക്കാനിട്ട  വൈക്കോല്‍ കതിരിട്ടപ്പോള്‍ ലഭിച്ചത് നൂറു മേനി വിളവെടുപ്പ്. വിളയൂര്‍ വള്ളിയത്ത് കുളമ്പ് വലിയതൊടി അയമു (കുട്ടിപ്പ)വിന്റെ വീട്ടിലാണ് ഇത്. കഴിഞ്ഞ വിളവെടുപ്പുകാലത്ത് കിട്ടിയ വൈക്കോല്‍ ഉണക്കാനായി പുതിയ വീടുണ്ടാക്കാനായി നിര്‍മിച്ച തറയിലിട്ടതായിരുന്നു.
മഴയില്‍ നഞ്ഞുകുതിര്‍ന്ന വൈക്കോലില്‍  മുളപൊട്ടിയത് കണ്ടപ്പോള്‍ വേണ്ടവിധം സംരക്ഷണം നല്‍കി പരിപാലിച്ചു. ഇത് കഴിഞ്ഞ ദിവസം കൊയ്‌തെടുത്തപ്പോഴാണ് നല്ല വിളവു ലഭിച്ചത്.
ഇവിടെ നിന്ന് ആറു പറയോളം നെല്ല് കിട്ടിയതായി  വീട്ടുടമ കുട്ടിപ്പ പറഞ്ഞു.