കയ്പമംഗലം: കയ്പമംഗലം ഗവ: ഫിഷറീസ് ഹയര്‍ സെക്കന്ററി സ്‌കൂളില്‍ വിദ്യാര്‍ഥികള്‍ക്കായി ലഹരി വിരുദ്ധ ബോധവല്‍ക്കരണ ക്ലാസ് സംഘടിപ്പിച്ചു. കൊടുങ്ങല്ലൂര്‍ എക്‌സൈസ് റേഞ്ച് ഓഫിസിന്റെ നേതൃത്വത്തില്‍ കയ്പമംഗലം ഗവ: ഫിഷറീസ് ഹൈസ്‌കൂളിലെ ലഹരി വിരുദ്ധ ക്ലബ്ബും എന്‍.എസ്.എസ് യൂണിയനും സംയുക്തമായാണ് ബോധവല്‍ക്കരണ ക്ലാസ് സംഘടിപ്പിച്ചത്. വാര്‍ഡ് മെമ്പര്‍ പി.ടി രാമചന്ദ്രന്‍ സംഗമം ഉദ്ഘാടനം ചെയ്തു. സിവില്‍ എക്‌സൈസ് ഓഫിസര്‍ പി.രാമചന്ദ്രന്‍ ക്ലാസിന് നേതൃത്വം നല്‍കി. സന്തോഷ്, അനില്‍കുമാര്‍, സന്തോഷ്, രമേഷ്ബാബു സംസാരിച്ചു.