ആദരസമര്‍പ്പണവും 14ന്തൃശൂര്‍: കേരള സാഹിത്യഅക്കാദമിയുടെ ആഭിമുഖ്യത്തില്‍ കലാചരിത്രകാരനായ വിജയകുമാര്‍ മേനോന്റെ ഭാരതീയ ലാവണ്യവിചാരവും കലാപാരസ്പര്യവും എന്ന പുസ്തകത്തിന്റെ പ്രകാശനം ഒക്‌ടോബര്‍ 14 രാവിലെ 10.30 ന് സാഹിത്യഅക്കാദമി ഓഡിറ്റോറിയത്തില്‍ നടക്കും. ചടങ്ങില്‍ വിജയകുമാര്‍ മേനോനെ ആദരിക്കും. പരിപാടിയുടെ  ഉദ്ഘാടനം അക്കാദമി ചെയര്‍മാന്‍ വൈശാഖന്‍ നിര്‍വഹിക്കും. കെ.രാജന്‍ എം.എല്‍.എ ആദര സമര്‍പ്പണം നടത്തും. ലളിതകലാഅക്കാദമി സെക്രട്ടറി പൊന്ന്യംചന്ദ്രന്‍ അധ്യക്ഷനാകും. ഡോ. എന്‍.ആര്‍ ഗ്രാമപ്രകാശ് പ്രസംഗിക്കും. സാഹിത്യഅക്കാദമി സെക്രട്ടറി ഡോ. കെ.പി മോഹനന്‍ സ്വാഗതവും, ഇ.ഡി ഡേവീസ് നന്ദിയും പറയും. ഡോ. സുനില്‍.പി.ഇളയിടം പ്രഭാഷണം നടത്തും.