തൃശൂര്‍: ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ്, സര്‍വോദയമണ്ഡലം, ഗാന്ധി പീസ് ഫൗണ്ടേഷന്‍, മദ്യനിരോധന സമിതി എന്നിവയുടെ ആഭിമുഖ്യത്തില്‍ സ്ത്രീശാക്തീകരണം ഗാന്ധിയന്‍ കാഴ്ചപ്പാടില്‍ എന്ന വിഷയത്തില്‍ സെമിനാര്‍ നടത്തി. നായ്ക്കനാല്‍ ഹിന്ദി പ്രചാര വിദ്യാലയത്തില്‍ നടന്ന സെമിനാര്‍ കേരള സര്‍വോദയമണ്ഡലം സംസ്ഥാന വൈസ് പ്രസിഡന്റ് എം.പീതാംബരന്‍ മാസ്റ്റര്‍ ഉദ്ഘാടനം ചെയ്തു. ഹിന്ദി പ്രചാര വിദ്യാലയം സെക്രട്ടറി പി.വി അനിരുദ്ധന്‍ മാസ്റ്റര്‍ അധ്യക്ഷനായി. ഡോ. ലീന ലൂക്കോസ് മുഖ്യപ്രഭാഷണം നടത്തി. കെ.എന്‍ ശാന്തകുമാരി, പ്രൊഫ. അന്നംജോണ്‍, സര്‍വോദയം ജില്ലാ പ്രസിഡന്റ് എം.കെ കുഞ്ഞുണ്ണി നമ്പിടി, ജില്ലാ സെക്രട്ടറി പി.എസ് സുകുമാരന്‍ എന്നിവര്‍ പങ്കെടുത്തു. ജേക്കബ് ജോയ് മാസ്റ്റര്‍ സ്വാഗതവും, കുമാരി ഷിജി നന്ദിയും പറഞ്ഞു.