കാഞ്ഞങ്ങാട്: നഗരത്തില്‍ പാര്‍ക്കിങ് നിരോധിച്ചു പൊലിസ് സ്ഥാപിച്ച ബോര്‍ഡിനെ നോക്കുകുത്തിയാക്കി വാഹന പാര്‍ക്കിങ് തുടരുന്നു. നഗരത്തിലെ ബസ് കാത്തിരുപ്പ് കേന്ദ്രത്തിനു സമീപത്തായാണ് പൊലിസ് ഉത്തരവിനെ നോക്കുകുത്തിയാക്കി ബൈക്കുകള്‍ ഉള്‍പ്പെടെയുള്ള വാഹനങ്ങള്‍ നിര്‍ത്തിയിടുന്നത്.
പ്രധാന റോഡിനും ഇതിനു സമീപത്തെ പെട്രോള്‍ പമ്പിനും ഇടയിലുള്ള സ്ഥലത്തു വാഹനങ്ങള്‍ പാര്‍ക്കിങ് ചെയ്യുന്നതോടെ ഇതു വഴി നടന്നു പോകുന്ന യാത്രക്കാര്‍ ബുദ്ധിമുട്ടുകയാണ്.
ഇതോടെ പാതയില്‍ കൂടി വളരെ വേഗതയില്‍ വരുന്ന റിക്ഷകളും മറ്റു വാഹനങ്ങളും ഉള്‍പ്പെടെ യാത്രക്കാരുടെ ദേഹത്തു തട്ടുന്ന അവസ്ഥയാണുള്ളത്.