മട്ടാഞ്ചേരി: കൊച്ചി നഗരസഭയില്‍ 2600 തെരുവ് നായകളെ വന്ധ്യംകരണം നടത്തി കഴിഞ്ഞതായി നഗരസഭ സീനിയര്‍ വെറ്റിനറി സര്‍ജന്‍ ഡോ. കിഷോര്‍ കുമാര്‍ രാജ് പറഞ്ഞു. കരുവേലിപടി ടാഗോര്‍ ലൈബ്രറി സംഘടിപ്പിച്ച 'തെരുവുനായ ശല്യം, ശരിയായ പരിഹാരം എന്ത്' എന്ന വിഷയത്തെ ആസ്പദമാക്കി നടത്തിയ ചര്‍ച്ചയില്‍ സംസാരിക്കുകയായിരുന്നു അദ്ദേഹം.
ഇതു വരെ പിടിച്ച നായകളില്‍ രണ്ടെണ്ണത്തിന് മാത്രമേ പേവിഷബാധയുള്ളതായി കണ്ടെത്തിയതെന്നും അദ്ദേഹം പറഞ്ഞു. നായകളെ വ്യാപകമായി കൊന്ന് പ്രശ്‌നം പരിഹരിക്കാനാവില്ല. എന്നാല്‍ ആക്രമാസക്തമായതും, പേവിഷബാധയുള്ള നായകളെ കൊല്ലുന്നതിന് നിയമ തടസവുമില്ലെന്ന് അദ്ദേഹം കൂട്ടി ചേര്‍ത്തു.
മുന്‍ മേയര്‍ കെ.ജെ സോഹന്‍, മുന്‍ കൗണ്‍സിലര്‍ കെ.എച്ച് ഖാലിദ്, അശ്വനി പ്രേം, പ്രദീപ്.എസ്, സെന്‍ ജെന്‍സന്‍, ഷഹീര്‍ അലി, രാമപടിയാര്‍, സി.എസ് ജോസഫ്, എം.ആര്‍ ശശി എന്നിവര്‍ സംസാരിച്ചു.