ഹരിപ്പാട്: ഗാന്ധിദര്‍ശന്‍ ക്ലബ്ബിന്റെ നേതൃത്വത്തില്‍ നടത്തുന്ന 'ഗാന്ധി സ്മൃതി 2016 ' ന്റെ ഭാഗമായി കാര്‍ത്തികപ്പള്ളി ഗവ.യു.പി.സ്‌കൂളില്‍ ഗാന്ധിജിയുടെ പ്രതിമ സ്ഥാപിക്കുവാന്‍ തീരുമാനിച്ചു.
പ്രതിമയുടെ നിര്‍മ്മാണ പ്രവര്‍ത്തനത്തിനുള്ള ആദ്യ ഗഡു പ്രധാന അദ്ധ്യാപിക സി.എ.സുഷമ കുമാരി ശില്‍പി വിനോദിനു കൈമാറി. ഗാന്ധിജയന്തി വാരാചരണത്തോടനുബന്ധിച്ച് നടന്ന പരിപാടി ചിങ്ങോലി ഗ്രാമപഞ്ചായത്ത് പ്രസിഡന്റ് എച്ച്.നിയാസ് ഉദ്ഘാടനം ചെയ്തു.എസ്.എം.സി.ചെയര്‍മാന്‍ ബി. കൃഷ്ണകുമാര്‍ അധ്യക്ഷത വഹിച്ചു.
ഗാന്ധി സേവാ കേന്ദ്രം കാര്‍ത്തികപ്പള്ളി താലൂക്ക് വൈസ് പ്രസിഡന്റ് എസ്.കെ.പിള്ള, മുതുകുളം ബ്ലോക്ക് പഞ്ചായത്തംഗം രഞ്ജിത്ത് ചിങ്ങോലി, വാര്‍ഡ് അംഗം കെ.ഷീല, ഗാന്ധിദര്‍ശന്‍ കണ്‍വീനര്‍ പി.ഷൈലജ, ആറാട്ടുപുഴ ജനാര്‍ദ്ദനന്‍, ആര്‍.രമേശ് എന്നിവര്‍ സംസാരിച്ചു.
സ്‌കൂളിലെ സ്‌കൗട്ട് യൂണിറ്റ് അംഗങ്ങളുടെ നേതൃത്വത്തില്‍ ശുചീകരണ പ്രവര്‍ത്തനങ്ങള്‍ക്കും തുടക്കം കുറിച്ചു.