വെഞ്ഞാറമൂട്: ടി.വി താരത്തെ പൊലിസ് അപമാനിച്ചതായി പരാതി. കോമഡി സ്റ്റാറടക്കമുള്ള ടെലിവിഷന്‍ ഷോകളിലെ നടനും സ്‌ക്രിപ്റ്റ് റൈറ്ററുമായ വെഞ്ഞാറമൂട് സ്വദേശിയാണ് വര്‍ക്കല പാപനാശം പൊലിസിനെതിരേ ഉന്നതര്‍ക്ക് പരാതി നല്‍കിയത്.
കഴിഞ്ഞദിവസം പാപനാശത്ത് കുടുംബത്തോടെ പിതൃസഹോദരന്റെ ബലിതര്‍പ്പണത്തിനെത്തിയതായിരുന്നു താരം. കുടുബാംഗങ്ങള്‍ തമ്മില്‍ സംസാരിച്ച് നില്‍ക്കവെയാണ് ഇതുവഴി വന്ന പൊലിസ് നടന് നേരെ തിരിഞ്ഞത്. അകാരണമായി പൊലിസ് കുടുംബാംഗങ്ങല്‍ക്കും നാട്ടുകാര്‍ക്കും മുന്നില്‍ വച്ച് അസഭ്യം പറയുകയും അപമാനിക്കുകയുമായിരുന്നു. ഇത് സംബന്ധിച്ച് ഉന്നത പൊലിസ് ഉദ്യോഗസ്ഥര്‍ക്ക് പരാതി നല്‍കി.